كيف اعترف لشخص بحبي

أنا طالبة جامعية عندى 20سنة من أسرة محافظة جداااا أنا خجولة الى أبعد حد خاصة من الولاد عشان كدة عمرى ماتخيلت أنى ممكن أحب أبدا بس فجأة لقيت زميل لفت نظرى بأهتمامه بيا والغريب أنى أنا كمان حسيت أنى بهتم بيه وبدور عليه والأغرب أنى حسيت أنه بيوحشنى..! بس كل دة من غير كلام خالص وف يوم حسيت أنى تقريبا مبفكرش غير فيه وبدعيله بالخير وبموت من الفرحة لما بشوفه أو ألاقيه بيدور عليا فى وسط الناس بس بتكسف أوووووووي وبعدين فى يوم حسيت أن كدة عيب وغلط وبالصدفة كان عندنا ماء زمزم شربت ودعيت دعاء الأستخارة وقولت:”اللهم لو خير قربه ولو شر أبعدة”. وكان عندى محاضرة فى نفس اليوم فرحت الكلية وحضرت المحاضرة بس هو محضرش فتضايقت أوى بس وأنا نازلة من المحاضرة لأقيته ف وشى وعينى جت فعينه على قد مافرحت أوى على قد ما كنت حموت من كسوفى وفجأة………لأيته بيقولى:” لوسمحتى ياأنسة ممكن كلمة” فوقفت بس هو راح وقف فى مكان وشاورى أقف جانبه حسيت أنى حقع من طول ولأنى عمرى ماتكلمت مع ولد مكنش ينفع بالنسبالى غير أنى أجرى من قدامه وأنا مصدومة ومكسوفة
طبعا أحرجته أووووى وحطيته فى موقف وحش أوى . بس أنا مش بتكلم مع حد خالص وكذا مرة أحرج ناس يكلمونى بس أول مرة أحس بالندم المميت دة بس عشان حرجته . فات سنة وشهرين على اليوم دة وكل مرة أحساسى بالندم بيكبر وبموت من آلمى ….. نفسى يفهمنى ويقدر موقفى ويعرف أنى حاسة بمشعره وببادله نفس الشعور أعمل أيه أنا منهارة؟؟

نايسو رضا